Plantun de Prouvènço

Pèr coumpara dos planto d'encò nostre

Ophrys fuciflora & Euphorbia stricta

Ophrys fuciflora

Orchidaceae

Nom en français : Ophrys bourdon.

Descripcioun :
La fausso-aragno es uno planto pulèu primo de 3 à 6 flour. Trachis dins la garrigo sus cauquié. Li sepalo soun roso o blanco, bèn mai grosso que li petalo pichouneto e pounchudo. Fai partido dóu group qu'an un ginostème emé un bè. La labreto bruno, de 11 à 16 mm, a de gibeto, e emé uno maculo qu'a un dessin pas trop chanjadis.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ophrys
Famiho : Orchidaceae

Ordre : Asparagales

Coulour de la flour : Brunello
Petalo : irreguliero
Ø (o loungour) flour : 6 à 8 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à mai

Liò : Garrigo - Prado umido - Ribiero
Estànci : Termoumediterran à Mountagnard
Couroulougi : Mediterrano-Atlantico
Ref. sc. : Ophrys fuciflora (F.W.Schmidt) Moench, 1802

Lachusclo(-redo)

Euphorbia stricta

Euphorbiaceae

Nom en français : Euphorbe raide.

Descripcioun :
La lachusclo-redo es uno planto de l'an di proun raro au nostre que trachis pulèu dins lou cèntre de l'Éuropo. Ei primo, quàsi sènso péu emé de fueio qu'embrasson la cambo, mai pas gaire. Li brout (oumbello) an de 3 à 4(5) rai. Coumpara emé la lachusclo-di-fueio-plato o la lachusclo-berrugouso que ié sèmblon proun.

Usanço :
Coume tóuti lis meno d'Euphorbia, la lachusclo-redo es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco.